للكومبيوتر, ودورة, الان, التحكيم, الحقوق, الدولى, icdl, جامعة, دورة, طنطا, كلية, فى, دورة التحكيم الدولى ودورة icdl للكومبيوتر فى كلية الحقوق جامعة طنطا الان, طنطا اليوم , طنطا توداى,طنطا تو داى , كليات طنطا , اخبار , صور , طنطا , تجارة طنطا , اداب طنطا , هندسة طنطا , صيدلة طنطا , علوم طنطا , طب طنطا , tanta2day .tanta,شات طنطا , حقوق طنطا , كليه الحقوق جامعه طنطا , كليه الاداب جامعه طنطا , كليه التجاره جامعه طنطا , دليل خدمات طنطا , مشاهير طنطا , اخبار طنطا النهارده , اخبار التكنولجيا , تنميه بشريه , شباب و بنات , نتيجه الثانويه العامه , نتيجه الاعداديه 2011 , لاب توب , اخبار السيارات , اخبار الحب , اخبار البنات , تشات روليت , ترجمه نصوص , شرح icdl اونلاين , رسائل 2011 , برامج مجانا , طمط , طنط , طنطاوى , طنطاويه , شات طنطاويه , دردشه طنطاويه , طنطا 2 , طنطا النهارده , صور طنطا , جامعه طنطا , tanta university , نتيجه جامعه طنطا , اخبار جامعه طنطا , اخبار نادى طنطا , نادى طنطا , التراس 300 , رضا عبد العال , رجاله طنطا , بنات طنطا , مسابقات طنطا , جرائم طنطا , فضائح طنطا , مشكلال طنطا , اعلانات طنطا , وظائف بطنطا , فرصه عمل , وظائف 2011 , بيع وشراء طنطا , بيع وشراء , موبيلات , اخبار الموبيلات , سوفت وير , تحميل pes , العاب اونلاين , العاب بنات , طنطا بين ايديك" /> دورة التحكيم الدولى ودورة icdl للكومبيوتر فى كلية الحقوق جامعة طنطا الان
التسجيل
اجعلنا صفحتك الرئيسية

اعلانات

كلية الحقوق جامعة طنطا Faculty of Law

إضافة رد
 
LinkBack أدوات الموضوع انواع عرض الموضوع
  #1  
قديم 03-10-2010, 03:52 AM
الصورة الرمزية ramy.zeny
طنــطاوي صغنن
 




Cool دورة التحكيم الدولى ودورة icdl للكومبيوتر فى كلية الحقوق جامعة طنطا الان

بسم الله الرحمن الرحيم وبة نستعين والصلاه والسلام على اشرف المرسلين سيدنا وحبيبنا وعظيمنا اشرف الخلق اجمعين محمد رسول الله وعلى اله واصحابة اجمعين .
اما بعد
الان فى كلية الحقوق دورة ICDL
فى كلية الحقوق جامعة طنطا
التقدم ليها فى رعاية الشباب لاخذ الاستمارات ومقابل لا يزيد عن 10جنية رسوم
وهى منحة من الجامعة مهمة جدا ومطلوبة فى اى وظيفة الشهادة بتاعتها هامة جدا
اللى عايز يقدم فيها يذهب غدا لرعاية الشباب ويتقدم الصراحة مش عارف لحد امتا لكن بكرا موجود استمارات

للاستفسار الذهاب الى رعاية الشباب فى كلية الحقوق شئون الطلبة
_________________________
اما دورة التحكيم :
هى عبارة عن اربع مستويات كل مستوى لية شهادة منفصلة بعد المستوى الثانى بتتخصص فى مجال معين للتحكيم الدولى

المستوى الاول 165جنية
المستوى الثانى 165 جنية
المستوى الثالت 165 جنية
المستوى الرابع 165 جنية
كل مستوى لة شهادة منفصلة
الدورة هامة جدا للى عايزين يشتغلو فى الخارج او الداخل
مدة الدورة : الصراحة لا اعلم
للاشتراك فيها وقيد الاسماء والاستفسار
الدور الثالث مبنى شئون الطلبه اخر الممر
كلية الحقوق
نبذة عن التحكيم الدولى وملاحظات علية
أولا: تأسيس المركز.....
تأسس مركز التحكيم الدولي عام 2004 وهو عضو باتحاد المحامين الأفريــقي و الــدولـي بـلائـحـــة معتمدة من وزارة العدل المصرية لتلبية احتياجات و ضروريات هامة تقتضيها الظروف و المتطلبات المحلية و الدولــيـة المعاصرة و مواكبته عصر العولمة لسرعة انجاز الفصل في المنازعات التجارية و المدنية باللجؤ إلي مـــركز التحكيم الدولي بجمهورية مصر العربية بدلا من مراكز التحكيم الاجنبية وذلك للتشجيع وجذب الأستــثمار الأجــنـبـي لمصرنا الغالية علي أن تراعي كافة الوزارات والهيئات العامة وشركات القطاع العام وضع شــــــــرط ومشارطة التحكيم أمام مركز التحكيم الدولي في كافة العقود التي تبرم بينها و بين طرف أخر.

و المركز من المؤسسين للاتحاد العربي لمراكز التــحكيــــم الهندسي و الذي يضم 25 مركزاً للتحكيم علي مستوي 20 دولة عربية .
ثالثاً: مكانة مركز التحكيم الدولي
1- احد المؤسسين للاتحاد العربي لمراكز التحكيم الهندســي.
2- لائحته معتمدة من وزارة العدل بجمهورية مصر العربية.
3- عضو اعتباري بالاتحاد الدولي للمحــامــيـــن بفرنــســـا.
4- عضو اعتباري باتحاد المحامين الأفارقـــة بأثـــيوبـــيـــا.

رابعاً :مجلس أمناء مركز التحكيم
1- الأستاذ / سامح عاشور
نقيب المحامين بجمهورية مصر العربية و رئيس اتحاد المحامين العرب و رئيس مجلس الأمناء.
2-المستشار / ممدوح مرعي
وزير العدل بجمهورية مصر العربية و رئيس مجلس الأمناء الشرفي.
3-المستشار /محمود أبو الليل
وزير العدل السابق بجمهورية مصر العربية و عضو مجلس الأمناء.
4-أ.د / رضا السيد عبد الحميد
المستشار العلمي للمركز و عضو مجلس الأمناء.
5-أ.د/محمد صادق القشيري
رئيس جامعة سنجور سابقاً و عضو مجلس الأمناء.
6- أ.د/ السيد عيد نايل
عميد كلية الحقوق جامعة عين شمس و عضو مجلس الأمناء.
7-ا.د/ محمد سامي الشوا
عميد كلية الحقوق جامعة المنوفية .
8-أ.د/ مصطفي محمود عفيفي
عميد كلية الحقوق جامعة طنطا السابق و عضو مجلس الأمناء.
9- أ.د/حسام لطفي
وكيل كلية حقوق بني سويف و عضو مجلس الأمناء .
10-الأستاذ/ حسن حماد
نائب رئيس مجلس الأمناء.
11-المستشار/ مصطفي بيومي
رئيس قطاع الشئون القانونية بالبنك الاهلي المصري عضو مجلس الأمناء.
12- المستشار / ورداني عبد الرحمن التوني
نائب رئيس الهيئة العامة للبترول عضو مجلس الأمناء

خامسا : النشاط العلمي لمركز التحكيم الدولي ...
1-عقد الدورات التمهيدية والتخصصية لإعداد المحكمين العرب الدوليين يمنح الحاصل علي الدورتين هويـــة بــصـفــة مستشار في مجال تخصصه ومحكم معتمد لدي المركز .
2-عقد أربع دورات تمهيدية وعامة وتخصصية ومتعمقة للحصول علي دبلوم مهني في التحكيم معتمد من مركز حقوق
عين شمس للتحكيم بجامعة عين شمس .


3-عقد ترمات في التحكيم للحصول علي دبلوم الدراسات العليا في التحكيم و الماجيستير ودرجة الدكتوراه في التحكيم من كلية الحقوق جامعة المنوفية ومن كلية الحقوق جامعة طنطا .
الموضوع الأصلى من هنا: :: Tanta2Day :: طنطا اليوم :: http://www.tanta2day.com/vb/showthread.php?t=649 (دورة التحكيم الدولى ودورة icdl للكومبيوتر فى كلية الحقوق جامعة طنطا الان)

سادسا : إعداد قوائم المحكمين الدوليين ...
1-إعـداد الــقــوائـم لإدارج الــمحــكمـــين الــمــعتمـدين لدي المــركز تمهيــداّ لاعتمـادهم من وزارة الـعـــدل المـــــصرية .

2- منح عضوية مركز التحكيم الدولي بلقب مستشار في مجال تخصصه في التحكيم وفقاّ لضوابط الواردة بلائحة المركز .

3- منح عضوية الاتحاد الدولي للمحامين واتحاد المحامين الافريقي .


يعنى أيه تحكيم؟



يعنى أيه تحكيم ؟؟؟


يعنى أيه محكم دولى ؟؟؟؟


يعنى أيه الموضوع ده أصلا ؟؟؟؟


قعدة عرب يعنى ؟؟؟؟؟


طب أيه الفرق بينهم – قعدة العرب وحكم التحكيم ؟؟؟


وأسئلة كتير محتاجة جواب شافى وسهل وبدون تفاصيل دقيقة أو تعقيدات قانونية

أسئلة بديهية تدور غالبا فى ذهن المواطن العادى الغير متخصص ، والمثير فى الأمر أن كثيرا منهم يرتبط فى ذهنه لفظ التحكيم الدولى بالرياضة يعنى ( حكم دولى لماتش كرة قدم ) هو ده التحكيم اللى الناس كلها تعرفه
وعلشان نوضح الموضـوع بتاعنا ونشاطنا هنشرح لك الفكرة بالبلدى وببساطة شديدة ، سمعت عن حاجة اسمها ( مخبر خاص ) فى الدول الأوربية ؟؟؟ يعنى بديل لرجل الشرطة السرى الرسمى 00 ؟؟؟؟ إيه وصلت كده !!!!

أهو إحنا نفس الفكرة ( محكم ) يعنى قاضى قطاع خاص و ( التحكيم ) يعنى محكمة خاصة ( قطاع خاص غير حكومية ) ولكنها رسمية و زى المحكمة القضائية العادية بالضبط ، بمعنى أن حكم التحكيم الصادر من المحكمة الخاصة دى يعامل نفس معاملة الحكم الصادر من القاضى الطبيعى ، والشرطة تقوم بتنفيذه والمحضرين يقوموا بإجراءات الإعلان والمحكمة القضائية تضع عليه ( الصيغة التنفيذية ) ويتم ختمه بخاتم شعار الجمهورية ، يعنى زيه زى الحكم العادى الصادر من المحكمة العادية بالضبط .
طيب أيه الفرق بين حكم التحكيم وبين حكم القضاء العادى ؟؟؟؟؟
ما فيش فرق غير أن حكم التحكيم أساسه وفكرته ونظامه يقوم على مبدأ سلطان الإرادة، يعنى حسب أتفاق وإرادة ورغبة الخصوم ، عايزين يلجأوا لقاضيهم الطبيعى ( المحكمة القضائية ) ما فيش مشكلة ، عايزين يلجأوا لقضاء التحكيم يبقى لازم يتفقوا كتابة على ذلك من خلال ( شرط مدرج بأحد العقود ) أو من خـــــــلال ( مشارطة تحكيم – يعنى عقد أتفاق على اللجوء للتحكيم بخصوص مشكلة أو مشاكل معينة حصلت بالفعل ) وإذا أتفوا على اللجوء للتحكيم صراحة وكتابة بقى ما فيش أمامهم طريق ثانى لحل مشاكلهم اللى اتفقوا على أختصاص التحكيم بها إلا من خلال اللجوء لقضاء التحكيم !!!
بمعنى أنه لو لجأ أحد الأطراف للقضاء العادى بخصوص هذه المشكلة أو العقد اللى سبق أنهم اتفقوا فيه على اللجوء للتحكيم ( مينفعش ) والمحكمة هتحكم بعدم قبول الدعوى لأن فيه أتفاق على التحكيم !!! ومينفعش تروح التحكيم إلا بعد الأتفاق كتابة بين الأطراف على ذلك ، يعنى مينفعش تقرر أنت ده لوحدك !!!
فمثلا لو قرأت أى عقد عادى ستجد فيه فى احد البنود الأخيرة بند ينص على ( تختص محكمة 00000 بالفصل فى أى نزاع ينشأ عن تنفيذ هذا العقد لا قدر الله ) وده بند طبيعى وعادى لتحديد المحكمة المختصة محليا بنظر النزاع أن وجد 0 ، لكن خلى بالك وركز قوى وفتح مخك ، لو لقيت مكان البند ده بند تانى شبيه منه ولكنه ينص على ( اختصاص أحد مراكز التحكيم بالفصل فى النزاع 000 أو مجرد لفظ التحكيم لفض النزاع ) يبقى لازم تركز وتفهم وتدقق وتوافق بأقتناع على الكلام ده ، وإلا أصبحت مضطر وملزم جبرا لحل مشكلتك عن طريق التحكيم دون سواه !!!!
طيب أيهما أفضل اللجوء للتحكيم ولا البقاء على ألأصل وهو اللجوء للقاضى الطبيعى العادى ؟؟؟؟؟ الإجابة على السؤال ده بأختيارك أنت وأرادتك الصحيحة المطلقة وعلشان تبقى ليك أرادة صحيحة لازم تفهم الفرق بين القضاءين :
القضاء العادى هو الأصل والأقرب للعدالة ، لكن تكدس القضايا وزيادة أعدادها بهذا الكم الرهيب يجعل قضيتك زيها زى غيرها تاخد دورها وإجراءاتها ويمكن تقعد سنيين وسنيين ويتغير عليها عدة قضاة وتحال للخبراء ثلاث أو أربع مرات وهكذا 0000 ويتحكم فيها فعلا ، لكن الخصم يستأنف الحكم ده وإذا خسره برضه يقوم يطعن عليه بالنقض أو بالألتماس ، ومحكمة النقض محكمة واحدة على مستوى الجمهورية وبتنظر كل طعون المحاكم بجمهورية مصر العربية ، وعلشان كده أحكامها بتتأخر وبتقعد سنين كتير ........
لكن قضاء التحكيم أنت اللى بتختار القاضى بتاعك اللى يمثلك بإرادتك أنت ومن حقك تختار أى حد من أى حتة كمحكم عنك ( أحد قضاة التحكيم ) وخصمك بيختار زيك ( المحكم اللى يختاره هو ) والأثنين المحكمين دول بيختاروا هما ( الرئيس أو المحكم المرجح اللى يرجح بينهم إذا أختلفوا ) يعنى محكمة التحكيم لازم يكون عددا ( وتر ) يعنى عدد فردى ( 1 – 3 – 5 – 7 – 9 وهكذا ) ولك أن تتخيل انك أنت اللى بتختار القاضى اللى على مزاجك اللى تثق فيه انت ، اللى هيهتم بقضيتك لأنها قضيته الوحيدة ، ولأنه هيتقاضى عنها أجره ، تخيل أنت لو أن محاميك اللى فاهم قضيتك كويس هو اللى بيشارك فى الحكم فيها بالفعل !!!!!!
ومن مزايا التحكيم كمان أن القضية لازم تخلص وتنتهى ويتحكم فيها خلال سنة واحدة على الأكثر ( 12 شهر كحد أقصى ) يعنى مينفعش تقعد سنتين ثلاثة !!!!
ومن مزاياه أيضا أن حكم التحكيم غير قابل للطعن عليه لا بالمعارضة ولا بالاستئناف ولا بالنقض يعنى حكم نهائى بات واجب التنفيذ فورا ، وما فيش غير طريق واحد فقط للطعن عليه وهو دعوى البطلان على حكم التحكيم ، وعلى فكرة حتى رفع دعوى البطلان لا يوقف التنفيذ إلا فى حالات استثنائية 0
وفيه ميزة كمان مهمة جدا جدا 0000 الى هى التحكيم بالصلح !!!

يعنى أيه التحكيم بالصلح ده كمان ؟

أقولك ياسيدى 0000 القاضى الطبيعى الرسمى بيحكم بالورق وبالقانون بحذافيره ، يعنى لو أنت ليك حق وممعكش ورق يثبته أو القانون مش فى صفك ، يعنى كده حقك راح وعليك العوض والقاضى مش هيقدر يعمل لك حاجة ويخالف الورق اللى أدامه ، حتى لو حس أنك مظلوم
لكن التحكيم بالصلح ده 000 أنت بتفوض المحكم عنك فى أنه من سلطته التقايل على بعض حقوقك ، يعنى يساوم خصمك يسيب له شوية وياخد شوية ( يعنى نص العمى ولا العمى كله ) بقصد الوصول لحل متوازن يرضى جميع الأطراف – يعنى عملية توفيق بين المصالح المتعارضة بالعدل وليس بالقانون
أيه 000 مش فاهم برضه 000 طيب ياسيدى أضرب لك مثلا : أنت ليك عند واحد عشرة جنيه وميعاد سدادهم السنة الجاية شهر يناير ، طيب ممكن تقبل تاخدهم خمسة جنيه بس النهاردة أو ستة جنيه الشهر الجاى ولا تستنى السنة الجاية وتاخدهم كلهم أو السنة اللى بعدها وتاخدهم عشرين بدل عشرة ؟؟؟؟ أهو الصلح ده ممكن يكسبك وممكن يخسرك برضاك وحسب كفاءة المحكم بتاعك اللى أنت أختارته وفوضته فى التحكيم بالصلح 0000 فى أقناع الخصم ورضائه أيضا ، يعنى أنتوا الأثنين مش هتبقوا خصوم ، هتبقوا حبايب زى ما أنتم ومتصالحين ومسامحين ، ويمكن متحتاجوش لا أحكام ولا أوراق ، هتخلص المشكلة ودى بالصلح و بالتراضى 000 أظن كده فهمت بقى !!!
أهو قاضى المحكمة ميقدرش يعمل كده ولا يقدر يحكم لك بأقل من حقك وفى وقته وميعاده و مقيد بنصوص القانون ، وميقدرش يحكم بأكثر مما يطلبه الخصوم حتى لو ثبت له أنك تستحق أكثر مما طلبت بعريضة دعواك !!! هو ده القانون اللى لازم القاضى ينف

طيب التحكيم ده مصاريفه كثيرة شوية 000 مش كده برضه ؟؟؟


أ أقولك آه .... ماهى المستشفى الخاص غالية جدا والمستشفى العام الأميرى ببلاش وقدامك الأثنيين وأختار أنت بمزاجك اللى يعجبك ، لكن لو قارناها بمصاريف المحكمة والخبراء وأتعاب المحامين ولدد الخصومة بين الطرفين وطول الوقت فى التقاضى لحد الحق ما يموت أو ميبقاش له لازمة ، تبقى المسألة قريبة جدا بل ومش غالى بل و أرخص كمان ، أن آخد حقى النهاردة !! مش بعد سنين ، وألاقى أهتمام غير عادى بقضيتى ومصلحتى وبسرعة جدا ، قيمها أنت وأختار ، لأن نظام التحكيم كله مبنى على أختيارك أنت وأتفاقك مع خصمك يعنى من الآخر الموضوع أشبه ما يكون بالبلدى ب ( قعدة العرب ) بس من غير ألزام على حد يعنى المحكوم عليه ممكن ينفذ الحكم اللى تحكم بيه قعدة العرب وممكن مينفذوش وفى الحالة الثانية محدش يقدر يجبره على هذا التنفيذ جبرا عنه ، واللى غالبا ما بيكون فيه حد ضامن يضمن كل طرف أو الطرفين معا ، أو بأيداع كفالة مادية قبل الحكم لضمان تنفيذه أو أحيانا أوراق ذات قيمة زى ( إيصال أمانة أو شيك مثلا ) . أ
لكن موضوع التحكيم مختلف شوية فلا يشترط أى ضمان للتنفيذ سوى الموافقة الصريحة المكتوبة على اللجوء للتحكيم من خلال ( شرط أو مشارطة تحكيم ) تحرر بين الخصوم ، لأن التحكيم بينظمه ويحكمه قانون ، اللى هو قانون التحكيم فى المواد المدنية والتجارية - المصرى رقم 27 لسنة 1994 ( شوفت أد أية الموضوع قديم ومن زمان ) بس أحنا اللى معندناش فكرة عنه وغير منتشر فى مصر ، مع العلم أن التحكيم ده موجود من زمان قوى قوى فى الشرائع والأديان وأبتدى فى مصر منذ صدور قانون المرافعات القديم عام1968 ثم ألغيت مواد التحكيم الواردة بقانون المرافعات ، وصدر قانون خاص للتحكيم المصرى شاملا كل مسائل التحكيم ونظامه وعلى غرار قانون التحكيم الدولى العالمى والأتفافيات الدولية .
والقانون ده هو اللى بيعطى حكم المحكمين الحجية والقوة التنفيذية له جبرا عن المحكوم ضده ، بشرط أن حكم التحكيم يكون صحيح وقائم على أسس وإجراءات صحيحة وسليمة من الناحية القانونية يعنى لازم شيخ العرب اللى يقعد فى قعدة العرب يكون فاهم القانون ده ومستوعبه كويس جدا ، وإلا أصبح هذا الحكم عرضة للطعن عليه بالبطلان لمخالفته أحد نصوص القانون والمحكمة تقضى ببطلانه وكأنه لم يكن ، يعنى ضاع علينا الوقت اللى أحنا محتاجينه والمصاريف والأتعاب اللى أحنا دفعناها ورجعنا إلى حيث أبتدينا !!!!!
وعلى فكرة برضه من مزايا أحكام التحكيم برضه ، أنها أحكام نهائية باتة غير قابلة للطعن عليها بأى مطعن يعنى لا فيها معارضة ولا أستئناف ولا نقض ، وواجبة النفاذ فور صدورها .

طب يمكن الحكم ده فيه حاجة أو حاجات غلط وفيه أجراءات متعملتش !!! الحكم ده يتنفذ غصب عنى وهو غلط كده وملوش معارضة ولا استئناف مش يبقى ده عيب مش ميزة وحرام وظلم ؟؟؟؟

لأ 000 المسألة برضه نظمها القانون أيضا وهى أن الطريق الوحيد للطعن على حكم التحكيم هو الطعن عليه بالبطلان بدعوى مبتدأة أمام القضاء المصرى العادى حسب أختصاصه محليا أو دوليا اللى هى ( محكمة استئناف القاهرة لو كان التحكيم دولى ومحكمة الاستئناف المختصة محليا لو التحكيم محلى ) ، والحكم الصادر فى دعوى البطلان دى هو الوحيد اللى يوقف حكم التحكيم أو يلغيه
طيب لو فيه مشكلة بينى وبين مراتى ، ولا لو مسكت حرامى ينفع محكمة التحكيم تجيب لى حقى ؟؟؟؟ آه 000 السؤال ده جميل ومهم جدا 000 فاتنا نقولك أن من مزايا القضاء العادى الرسمى هو أختصاصه الأصيل بكافة المنازعات أيا كان نوعها طبعا حسب تقسيمات المحاكم ( جنائية – مدنية – عسكرية – أدارية – أسرة وأحوال شخصية ) الخ ..
لكن قانون التحكيم الخاص لا يختص سوى بالمنازعات ( المدنية والتجارية فقط ) وحتى من إسمه ( قانون التحكيم فى المواد المدنية والتجارية ) يعنى مينفعش يحكم فى جناية أو جنحة أو طلاق وزواج ، إلا فيما يتعلق بالحقوق المدنية فيها فقط ، ومتنساش أحنا قولنا وبنقول تانى وثالث ورابع 0000 أن أهم حاجة فى الموضوع هى أتفاق الأطراف كتابة على اللجوء للتحكيم ، لأن هذا الأتفاق هو دستور التحكيم وسنده ومصدر سلطاته ، ومن غير الأتفاق ده ما فيش حاجة أسمها تحكيم ، فيه قضاء المحاكم العادية وبس .

وطبعا لازم يكون الأتفاق ده صحيح وجائز قانونا وغير مخالف للنظام العام ، يعنى ميخالفش قانون ولا دستور ولا تشريع ولا حتى شريعة ، يعنى مينفعش أثنيين تجار مخدرات يختلفوا مع بعض على صفقة بينهم .ويلجأوا للتحكيم لحلها وديا 000 بعيدا عن الحكومة 00 مينفعش

ولا أثنين موظفين كبار يختلفوا فيما بينهم مين يمسك مدير عام المديرية ، فيروحوا للتحكيم علشان يعين واحد منهم مدير ولا وزير ولا حاجة 000 برضه مينفعــــــــــــــش 0
ومش معنى كده أنه لا يجوز التحكيم فى العقود الإدارية المحررة بين جهات عامة أو جكومية وأخرى أو مع أفراد أو شركات خاصة ، بخصوص مشكلة مدنية أو تجارية ، بل يجوز التحكيم فى بعض العقود الإدارية التى تتضمن مسائل مدنية بحتة وبشرط أن يحرر شرط التحكيم أو مشارطة التحكيم ممن يمثل تلك الجهة ويملك ذلك قانونا كالوزير المختص مثلا .

أيه 000 قــــــــــــــــــــــــــول 0000 فيه أسئلة تانى ؟؟؟؟؟


طيب أيه أجراءات التحكيم بالتفصيل و .... و.... ؟؟؟؟


لأة 0000 أنت كده هتبقى متخصص فى التحكيم ، لأن دى أسئلة فنية جدا ومينفعش نتكلم فيها بالبلدى كده ، لازم نرجع لنصوص قانون التحكيم بالتفصيل وآراء الفقه وأحكام التحكيم والأحكام القضائية الصادرة بشأنها 000 والمسألة كده بقت كبيرة ومحتاجة تركيز أكبر 00 بكتيــــر

_____________________________________________
نظرا لظهور مستحدثات جديدة ومنتجات واساليب وطرق جديدة وحديثة على الساحة المالية والاقتصادية والمصرفيه وظهور نوعية جديدة من المشاكل والخلافات والثغرات على الساحة المالية والاقتصادية والمصرفية والتقنيه والعقاريه والادارية تختلف كل الاختلاف عن مثيلته فى الماضى وايجاد اليات وطرق واساليب لتجنب وحل هذه المعوقات والمشاكل تتطلب ظهور جهه منوط له التعريف بكل هذه المستحدثات ومشاكلها وسبل حلها وايجاد اشخاص مهاريون لدرجة الاحتراف على الساحة ولذلك قد ظهر على الساحات الدولية والمحلية مراكز التحكيم الدولى وذلك لتلبية ضروريات حيويه وهامه تقتضيها كافة الظروف والمتطلبات والمعيارالدولية والمحلية المعاصرة حتى لا نتخلف عن ركب التطور المذهل من حولنا وبناءا عليه تم التحرك من قبل نقابة المحامين فى شهر يناير من عام 2004 تبعه تاييد من الاتحاد الدولى للمحامين واتحاد المحامين الافارقه فى شهر اغسطس من عام 2004بقرار من نائب رئيس الاتحاديين الاستاذ / سامح عاشور ( رئيس مركز التحكيم الدولي) تم انشاء مركز التحكيم الدولى ولائحته ومواده المنظمة بموافقة المستشار / محمود ابوالليل – وزير العدل ويهدف المركز لتوعية المحامين والمصرفيون والاداريين والكوادر الفنية والادارية بالشركات و البنوك وغيرهم من كافة التخصصات الاخرى بقواعد التحكيم الدولى واحكامه على المستويين المحلى والدولى للالتجاء للمحاكم المتخخصة( المحاكم الاقتصادية) والتعريف بالمنتجات المالية والمشتقات المالية واساليب التمويل البديله وخلافه من الاساليب والطرق المستحدثه على الساحة العالمية ومشكلاتها العملية والتطبيقية وكيفية التجنب الوقوع بها وطرق واساليب حلها بطرق عملية ( استخدام ورش عمل للتدريب التطبيقى ومحاكاة الواقع ) والشرح والتحليل من خلال ندوات ومؤتمرات ودورات تدريبية وذلك بهدف تخريج جيل جديد من الكوادر المهنية عالية الحرفية فى مجالات الهندسية والمقاولات والمعاملات المصرفية والاواق المالية والتجارية والاستثمار والعقود ( عقود البترول – عقود التى تبرامها الدول –ومعاملات التجارة الالكترونية – وعقود نقل التكنولوجيا – والتمويل – والصناعة ) وغيرها من المعاملات الاخرى والتعرف على المشاكل العملية للتمويل العقارى وطرق واساليب حلها بواسطة المحاكم الاقتصادية وعلاقة التمويل العقارى بالمحاكم الاقتصادية والتعرف على الطرق البديلة لتسوية المنازعات الاقتصادية وما هية المحاكم الاقتصادية ونطاق اختصاصها وتنفيذ الاحكام الصادرة من المحاكم الاقتصادية ومقومات التمويل العقارى واغراضه والجهات المرخص لها مزاولة نشاطه وكيفية التنظيم لاتفاق تمويله والتنظيم القانونى لاتفاقات التمويل واركانه وشروطه واطرافه وضمانات التمويل العقارى( ضمانات الممول/ضمانات المستثمر ) التعريف بمفهـوم وانـــواع التحكيم واجراءات التحكيم فـــى عقــود ( الفيدك / BOT/ البترول/الانشاءات/ الهندسية/المصرفية/المالية) والتحكيم فى الشيك والعقود الادارية والتحكيم فى منازعات عقود البترول والثروة المعدنية والتعريف بالاجراءات المتبعة فى المحاكم الاقتصادية والتعرف على مشاكل العملية مع الوكيل العقارى والمشاكل العملية فى عملية ايقاع البيع والمشاكل فى عملية تسجيل الحكم فى الشهر العقارى
الموضوع الأصلى من هنا: :: Tanta2Day :: طنطا اليوم :: http://www.tanta2day.com/vb/showthread.php?t=649 (دورة التحكيم الدولى ودورة icdl للكومبيوتر فى كلية الحقوق جامعة طنطا الان)
وذلك كله بهدف ايجاد نخبة من المتخصصون والمحترفون فى مجالات عملهم وذلك لتجنب مخاطر التشغيل التى يمكن الوقوع بها والبعد عن الاحترافية فى التعامل مع المستحدثات

__________________________________________________ ____
ملحوظة:
1ـ سيحصل المشارك فى الدورتين على شهادتين معتمدتين من كلية الحقوق جامعة طنطا ومركز التحكيم الدولى
2ـ سيمنح المشارك على عضوية مركز تحكيم حقوق طنطا ومركز التحكيم الدولى بلقب مستشار فى مجال تخصصة
بعد سداد الرسوم المقررة .
3ـ يمنح دبلوم الدراسات العليا المهني في التحكيم معتمد من كلية الحقوق جامعة عين شمس للحاصل على اربع دورات تحكيمية
فسارع بالتسجيل والدورة لجميع المؤهلات العليا

أ / سامح عاشور
رئيس مركز التحكيم الدولي
أ / حسن حماد
نائب رئيس مركز التحكيم
أ / ماهر أنطون بطرس
أ / دليلة مختار عواد حميدى
مدير فرع التحكيم بالقاهرة

ارجو ان اكون وفقت فى عرض الموضوع بكل الجوانب
اخوكم:
ramy .zeny

صورة الكارنية بعد اخذ الدورات الاربع
والشهادة التغير فيها تكون تبع جامعة طنطا وليس عين شمس
الدورة مهمة جدا
بالتوفيق باذن الله

:: شاركنا بتعليق عن طريق حسابك على الفيس بوك ::






],vm hgjp;dl hg],gn ,],vm icdl gg;,lfd,jv tn ;gdm hgpr,r [hlum 'k'h hghk ,],vm hghk hgjp;dl hgpr,r hg],gn icdl [hlum ],vm 'k'h ;gdm

الصور المرفقة
نوع الملف: jpg صورة الكارنية.jpg‏ (9.3 كيلوبايت, المشاهدات 24)
نوع الملف: jpg الشهادة.jpg‏ (45.9 كيلوبايت, المشاهدات 24)
رد مع اقتباس
قديم 03-10-2010, 06:25 PM   رقم المشاركة : [2]
طنــطاوي جامد جـــداً
 
الصورة الرمزية المنسى
 


 

 

 

افتراضي

تســــلم ايدك يا راااامى على المجهوووود المتميز وياااارب دايما فى تقدم
التوقيع: [IMG]http://C:\********s and Settings\MIDO\Desktop\27326[/IMG]

مع أطيب التمنيات بالنجاح والتفوق

د/المنسى
المنسى غير متواجد حالياً   رد مع اقتباس
قديم 03-15-2010, 08:38 AM   رقم المشاركة : [3]
طنــطاوي صغنن
 
الصورة الرمزية ramy.zeny
 


 

 

 

Thumbs down

اقتباس:
المشاركة الأصلية كتبت بواسطة المنسى
تســــلم ايدك يا راااامى على المجهوووود المتميز وياااارب دايما فى تقدم


شكرا ليك على ردك
ولكن احب اضيف معلومات جديدة استكمالا للموضوع


الدورة دى عباره عن اربع مستويات
كمان هى بتم على فترات يعنى كل ما تكتمل مجموعه تاخد الدوره والدوره القادمه هتبتدى يوم السبت 20\3\2010 بمعنى انك لازم تقدم قبل التاريخ ده

بالنسبه للمصاريف الخاصه بيها
لو انت خريج يبقى الليفل 200 جنيه
اما لو كنت طالب بيكون 165 جنيه
بالنسبه لمدة الليفل 3 ايام يبقى اول ليفل هيبدأ السبت وينتهى الاتنين....تمام
كمان فى شهاده لكل ليفل وكمان فى شهاده ع التوتل فى النهايه
هى عباره عن تمهيدى وفيدكس ونووى واستثمار
مش باقى غير حاجه واحده يكاد تكون اهم حاجه وهى ايه مدى اهمية الدوره دى فى الحياه العمليه؟
كل الى انا عرفته انها عباره عن شهاده مهنيه فى التخصص بتاعك تصل الى مستشار فى تخصصك
بالاضافة الى :
ان مدة كل الدورة ثلاث ايام فى ثلاث ساعاتيعنى كل يوم ساعة لمدةثلاث ايام
الموضوع الأصلى من هنا: :: Tanta2Day :: طنطا اليوم :: http://www.tanta2day.com/vb/showthread.php?t=649 (دورة التحكيم الدولى ودورة icdl للكومبيوتر فى كلية الحقوق جامعة طنطا الان)
الدورة الاولى 165 جنية تمهيدى

الدورة الثانية 165 جنية تخصصى
الدورة الثالثه 165 جنية تخصصى
الدورة الرابعة 165 جنية تخصصى
التخصص .... (بتختار واحد من المجالات الاتية
1_ عقود استثمار
2_ عقود فديك ......... ( التشييد والبناء)
3_ عقود نووية
الحضور يكون فى الكلية
فى سبرباى
كلية الحقوق
طبعا انا نزلت صورة من الكارنية بعد ما تاخد الاربع دورات بتبقا مستشار تحكيم
________________________
اما بخصوص
I C D L
منحة التاهل للرخصة الدولية
مكان اخذ الاستمارة ::
من غرفة رعاية الشباب
تاخد استمارة وبتوريهم الكارنية بتاعك
وبتروح للفرع المتعاقد مع جامعة طنطا
وعنوانة:
طنطا 4 شارع الشيخ عبد الحليم محمود من شارع عمر بن عبد العزيز بجوار مطعم الطيبات اعلا مسجد الشهاوى
امام مستشفى الجامعة
الشارع على ناصيتة مطعم اصالة شارع مكتبة نور الفرسان القديمة.
دة بخصوص الفرقة الرابعة
والثالثة
مميزات المنحة:
1_ تنسيق المواعيد الدراسية مع المتدرب
2_ من حق المتدرب تاجيل الدراسة ولكن بعد اخطار المقر التدريبى
3_ هذه المنحة لاتلغى حققك فى التعليم الحكومى .
4_ التاهل للرخصة الدولية لقيادة الحاسب.
5_ التدريب التحويلى للحصول على وظائف يحتاجها سوق العمل .
6_ يحصل الدارس فى نهاية الدراسة على شهادات معتمدة محليا وعالميا.
الاوراق المطلوبة:
1_ صورة البطاقة الشخصية.
2_ صورة الكارنية الدراسى او صورة شهادة التخرج .
3_ دوسية بلاستيك .
_______________________
ملاحظات :
1_ ممكن تاخد منحة الاى سى دى ال على اجزاء بمعنى تاخد جزء وتكمل بعد الامتحانات الباقى

2_ المنح الموجودة كالاتى :
اولا : I C DL التاهل للرخصة الدولية
ثانيا : منحة aintenance الصيانة
ثالثا : منحة تصميم مواقع الويب
رابعا : منحة الجرافيك craphic
خامسا : منحة اللغات
سادسا : منحة الانترنت

3_ ممكن تاخد منحة الاى سى دى ال مع اى منحة اخرى عادى

4_ منحة icdl ثلاث ايام فى الاسبوع لمدة ثلاث شهور

5_ تقسيم منحة ICDL على 7 مستويات كل مستوى ب 20جنية .

6_ يعنى هتدفع فى الدورةI C D L مبلغ 140 جنية كلها.
___________________________
المنح وتقسماتها :

اولا : I C D Lتاهل للرخصة الدولية.
______________
1_ Microsoft ******s Xp
2_ Microsoft word 2003
3_ Microsoft Excel 2003
4_ Mcrosoft Access 2003
5_ Microsoft Power point 2003
6_ I . T (الصراحة مش عارف اختصار اية.
7_ Inter net
___________________________________________
ثانيا : منحة الصيانة Maintenance
1_ التعريف على مكونات الحاسب ومبادىء الصيانة
( I . T )
2_ معالجة مشاكل السوفت وير التطبيقية وتقسيم الهارد وتنصيب البرامج
الموضوع الأصلى من هنا: :: Tanta2Day :: طنطا اليوم :: http://www.tanta2day.com/vb/showthread.php?t=649 (دورة التحكيم الدولى ودورة icdl للكومبيوتر فى كلية الحقوق جامعة طنطا الان)
3_ التعامل مع الهرد وير تجميع الاجهزة وتعريف الكروت.
__________________________________________
ثالثا : منحة تصميم مواقع الويب
1_ *** Design/SQL server
2_ **** ******/Dream Waver
3_ برنامج اعداد المحاسبين
4_ احتراف برنامج الحسابات Excel
5_احتراف برنامج الحسابات Access
_____________________________________
رابعا منحة الجرافيك
1_ auto CAD /SAP2000 2D - 3D
2_ احتراف برنامج الرسم الشهير (الفوتشوب)
3_ احتراف برنامج التصميم ثلاثى الابعاد 3d MAX
_________________________________
خامسا : منحة الانترنت
1_ part 1 ICDN 1
2_ Part 2 ICDN 2
__________________________________
سادسا : منحة اللغات
1_ اللغة الانجليزية
2_ اللغة الفرنسية
3_ اللغة الالمانية
4_ اللغة الايطالية
ملحوظة : ممكن ان تاخذ دورة تمهيدية لاى لغة لمدة شهر وتاخد معاة شهادة بكدا ودة 80 جنية لو حبيت تكمل للاحتراف اسال هناك بقا عن الموضوعة
________________________________________
بالنسبة للفرق الاولى والثانية حقوق ليهم حضور تقريبا فى المجمع الطبى على ما اعتقد لذا ارجو الذهاب الى رعاية الشباب للاستفسار
بس الاكيد ان رابعة وتالتة مع بعض
فى المركز ذات العنوان فوق
________________________________

ارجو ان اكون قد وفقت فى هذا العرض الكامل للموضوع واتمنى من كل شخص ان يرد لكاتب الموضوع لانة تقديرا لمجهودة
ويكون الرد بالدعاء ليا
واشوفكم على خير باذن الله
اخوكم :
Ramy . Zeny

ramy.zeny2010@yahoo.com

التوقيع: اخوكم:
ramy.zeny
روميووو المصرى
[EMAIL="]
بالتوفيق لكل اعضاء المنتدى
باذن الله
ramy.zeny غير متواجد حالياً   رد مع اقتباس
قديم 03-18-2010, 07:35 PM   رقم المشاركة : [4]
طنــطاوي جامد جـــداً
 
الصورة الرمزية المنسى
 


 

 

 

افتراضي

طب ممكن طــلب يا روميــو

ايــة تفاصـيل منحــة الجرافيك
وخصـوصـا 3d max
التوقيع: [IMG]http://C:\********s and Settings\MIDO\Desktop\27326[/IMG]

مع أطيب التمنيات بالنجاح والتفوق

د/المنسى
المنسى غير متواجد حالياً   رد مع اقتباس
قديم 04-07-2010, 02:44 AM   رقم المشاركة : [5]
طنــطاوي صغنن
 
الصورة الرمزية ramy.zeny
 


 

 

 

Cool معلومات جديدة عن التحكيم الدولى ومستوياتها

بسم الله الرحمن الرحيم
اما بعد
استكمال للمعلومات عن دورة التحكيم
يا جماعة اللى عايز يشترك فى دورة تحكيم جديدة تمهيدى يروح الى ادارة التحكيم يسجل اسمة ويدفع الرسوم 165جنية وهيعرف ميعاد الحضور
الحمد لله انا اخدت دورتين الى الان


ملحوظات:

1_ كل دورة مستوى بتاخد بيها شهادة

2_ كل مستوى 165 جنية

3_ الدورات كلها اربع مستويات كل مستوى ثلاث ايام كل يوم مقسم الى ثلاث محاضرات هناك فاصل بين كل محاضرة نصف ساعة وفية وجبات بتتوزع

4_ بعد الاربع مستويات بتاخد شادة مجملة بتدفع 50جنية وبتاخد شهادة بدبلومة فى التحكيم الدولى

5_ لو حبيت بعد كدا تاخد الكارنية بتدفع 500جنية وبتدخل على لجنة بتساللك شفوى فى التحكيم المبادىء يعنى وفى الاخر بيدولك الكارنية لو نجحت وفى الاغلب بتنجح لانك دافع فلوس وبتاخد الكارنية
الموضوع الأصلى من هنا: :: Tanta2Day :: طنطا اليوم :: http://www.tanta2day.com/vb/showthread.php?t=649 (دورة التحكيم الدولى ودورة icdl للكومبيوتر فى كلية الحقوق جامعة طنطا الان)
بتكون مستشار معتمد فى التحكيم الدولى

الدورة دى مهمة جدا على فكرا وليها مستقبل
ارجو ان اكون وفقت فى عرض الموضوع

والرد على استفساركم واعذرونى عن التاخير
اخوكم :
ramy.zeny
التوقيع: اخوكم:
ramy.zeny
روميووو المصرى
[EMAIL="]
بالتوفيق لكل اعضاء المنتدى
باذن الله
ramy.zeny غير متواجد حالياً   رد مع اقتباس
قديم 04-07-2010, 02:46 AM   رقم المشاركة : [6]
طنــطاوي صغنن
 
الصورة الرمزية ramy.zeny
 


 

 

 

Icon40

اقتباس:
المشاركة الأصلية كتبت بواسطة المنسى مشاهدة المشاركة
طب ممكن طــلب يا روميــو

ايــة تفاصـيل منحــة الجرافيك
وخصـوصـا 3d max
معلش الصراحة معرفش حاجة عنها غير انها بتبقا 3شهور وبتدفع نفس الرسوم برضك وهساللك فيها اكتر باذن الله


واعتذر عن التاخير

فى الرد
اخوكم :
ramy.zeny
التوقيع: اخوكم:
ramy.zeny
روميووو المصرى
[EMAIL="]
بالتوفيق لكل اعضاء المنتدى
باذن الله
ramy.zeny غير متواجد حالياً   رد مع اقتباس
قديم 05-14-2012, 01:17 AM   رقم المشاركة : [7]
طنــطاوي صغنن
 


 

 

 

افتراضي

شكرا بس يا ريت صورة الكارنية علشان مش راضية تظهر عندى يا ريت
mahmoud owen غير متواجد حالياً   رد مع اقتباس
قديم 05-14-2012, 01:21 AM   رقم المشاركة : [8]
طنــطاوي صغنن
 


 

 

 

افتراضي

ولك جزيل الشكر
mahmoud owen غير متواجد حالياً   رد مع اقتباس
إضافة رد

مواقع النشر (المفضلة)

الكلمات الدلالية (Tags)
للكومبيوتر, ودورة, الان, التحكيم, الحقوق, الدولى, icdl, جامعة, دورة, طنطا, كلية, فى


LinkBacks (?)
LinkBack to this Thread: http://www.tanta2day.com/vb/t649.html
أرسلت بواسطة For Type التاريخ
ط§ظ„طھط­ظƒظٹظ… ط§ظ„ط¯ظˆظ„ظ‰ ظ…ظ† ط§ظ„طµظپط± ط§ظ„ظ‰ ط§ظ„ط§ط­طھط±ط§ظپ ( 1) - ظ…طھط¬ط¯ط¯ - طھط§ط¨ط¹ظˆظ†ط§ ظٹظˆظ…ظٹط§ظ‹ - ظ†طµط±ط© ط§ظ„ط­ظ‚ ظ„ظ„ظ…ط­ط§ظ…ط§ط© ظˆط§ظ„ط§ط³طھط´ط§ط±ط§طھ ط§ظ„ظ‚ط§ظ†ظˆظ†ظٹط© This thread Refback 05-10-2011 01:54 AM
ظ†طµط±ط© ط§ظ„ط­ظ‚ ظ„ظ„ظ…ط­ط§ظ…ط§ط© ظˆط§ظ„ط§ط³طھط´ط§ط±ط§طھ ط§ظ„ظ‚ط§ظ†ظˆظ†ظٹط© This thread Refback 04-28-2011 09:51 PM

الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه للموضوع: دورة التحكيم الدولى ودورة icdl للكومبيوتر فى كلية الحقوق جامعة طنطا الان
الموضوع كاتب الموضوع المنتدى مشاركات آخر مشاركة
كلية الاداب جامعة طنطا omnia-2 كليــة الآداب جامعة طنطا 11 08-04-2010 07:55 AM
نبذة قصيرة عن كلية التربية جامعة طنطا Mя wεsam كلية التربية جامعة طنطا 1 06-28-2010 07:00 PM
دورة التحكيم فى عقود الفيدك(fidic) المنسى كلية الحقوق جامعة طنطا 4 04-25-2010 07:05 PM
نبذة صغيرة عن كلية الاداب جامعة طنطا Mя wεsam كليــة الآداب جامعة طنطا 2 04-06-2010 12:22 AM

Facebook Comments by: ABDU_GO - شركة الإبداع الرقمية

الساعة الآن 04:39 PM.

 

Powered by vBulletin® Version 3.8.7
Copyright ©2000 - 2014, Jelsoft Enterprises Ltd.
SEO by vBSEO